12 bahay, kapilya winasak ng buhawi sa Cagayan

Nasira ng buhawi ang labindalawang bahay at isang kapilya sa Cagayan noong Linggo ng umaga, Nob. 17.

Sinabi ng Municipal Disaster Risk Reduction and Management Office na nagsimula ang buhawi sa Sitio Limittung, Barangay Santa Cruz at tumawid sa Barangay Bagu, Cagayan.

Isang buhawi din ang naiulat sa Barangay Macanaya, Aparri, Cagayan noong Linggo. Ilang bahay din ang nasira.

Walang naiulat na nasugatan sa mga lugar na naapektuhan ng dalawang buhawi na tumama habang hinampas ng tropical cyclone na “Pepito” ang Luzon.