Kasong ‘malversation’ at ‘indirect bribery’ vs Sen. Chiz, ex-Sens. Binay, Revilla, Rep. Co inihahanda na ng NBI

INIHAHANDA na ng National Bureau of Investigation (NBI) ang mga reklamong ‘malversation of public funds’ at ‘indirect bribery’ kontra mga opisyal na idinawit ni former DPWH Usec. Roberto Bernardo sa pagdinig ng Senado nitong Miyerkules, Setyembre 25.

Ayon kay Justice Sec. Jesus Crispin Remulla, lahat ng mga binanggit ni Bernardo sa pagdinig ng Senate Blue Ribbon Committee ay inirerekomendang makasuhan ng NBI.

Kasunod ito ng panunumpa ni former DPWH Usec. Bernardo sa DOJ ng kanyang salaysay hinggil sa mga nalalaman patungkol sa manomalyang flood control projects.

“Yes, after evaluating everything and the supplemental affidavit that they just drew up with his lawyers, the NBI already recommended,” ani Remulla.

Kabilang sa mga nabanggit ni Bernardo ay sina Sen. Chiz Escudero, ex-Sen. Nancy Binay, ex-Sen. Bong Revilla, at Ako Bicol Party-list Rep. Zaldy Co.