6 BUTO NG TAO NASISID SA TAAL LAKE – PNP

KARAGDAGANG anim na hinihinalang buto ng tao ang nasisid mula sa Taal Lake habang nagpapatuloy ang paghahanap sa mga nawawalang sabungero.

Ayon sa Philippine National Police (PNP), bukod sa anim na buto, natagpuan din ang ilang piraso ng damit at isang sako ng tela.

Agad itong itinurn-over sa Scene of the Crime Operatives (SOCO) para sa isailalim sa pagsusuri.

Matatandaang nagsimula ang paghahanap sa mga nawawalang sabungero sa Taal Lake nang isiwalat ni Julie “Dondon” Patidongan, dating chief security ng gambling tycoon na si Atong Ang, na mahigit 100 sabungero ang itinapon sa naturang lawa.

Itinuturong utak sa mga pagdukot at pagpatay sa mga naturang sabungero si Ang.