Panibagong oil price hike ipinatupad

EPEKTIBO nitong Martes, Mayo 26, ang panibagong taas singil sa presyo ng produktong petrolyo na maghihigpit sa sinturon ng mga motorista.

Ayon sa Department of Energy (DOE), tataas ang presyo kada litro ng mga sumusunod na presyo ng produktong petrolyo:
Diesel: P1.96 kada litro
Gasolina: P1.60 kada litro
Kerosene: P1.45 kada litro

Ang pagtaas ng presyo ng produktong petrolyo ay dahil sa mahigpit na supply sa global oil market, habang ang ilang supply mula sa Asya ay maaaring ilipat sa ibang rehiyon bunsod ng pagbawas ng produksyon sa Europa.

Noong nakaraang linggo, matatandaang tumaas din ang presyo ng gasolina ng P1.21 kada litro at diesel ng P2.82, habang bumaba naman ang kerosene ng P2.11.