KRISTINE TILA HINDI TUMATANDA

By Beth Gelena

Tuwang-tuwa ang netizens sa bagong video ni Kristine Hermosa online.

Maraming netizens ang natuwa nang makita muli si Kristine sa isang bagong skincare promotional video na ibinahagi sa Instagram.

Ipinakita ng aktres ang kanyang fresh at glowing na itsura matapos ang workout session.

Habang ineendorso ang isang produkto, binigyang-diin niya ang kahalagahan ng pagiging malinis at presko pagkatapos mag-ehersisyo.

Maraming netizens ang humanga sa kanyang kabataang hitsura at sinabing tila hindi siya tumatanda.

Sa video, sinabi niya na nagtitiwala siya sa isang sabon upang mapanatiling sariwa at malinis ang kanyang balat pagkatapos ng kanyang mga aktibidad.

Reaksyon ng netizens:

“Maganda pa rin si Kristine gaya noong kasikatan niya sa telebisyon.

Nananatili ang kanyang natural na alindog sa paglipas ng mga taon.”

“Mukha siyang masigla, malusog, at masaya sa kanyang buhay bilang asawa at ina.”

Si Kristine ay isa sa mga pinakasikat na aktres noong 2000s.

Noong 2011, pinakasalan niya si Oyo Sotto, anak nina Vic Sotto at Dina Bonnevie kung saan mayroon na silang anim na anak.

Bagama’t hindi na siya aktibong gumagawa ng regular na proyekto sa showbiz, nananatili pa rin siyang paborito ng kanyang mga tagahanga.

Tuwing nagbabahagi siya ng mga update online o nagpapakita sa publiko, mabilis pa rin itong nagiging usap-usapan dahil sa kanyang simple, mabuting imahe, at walang-kupas na kagandahan.