Smart Communications at liderato ng Ateneo isu-subpoena ng CIDG sa pagkasawi ng 2 Ateneo student-athletes

KINUMPIRMA ng Criminal Investigation and Detection Group (CIDG) na mag-iisyu rin sila ng subpoena sa Smart Communications at liderato ng Ateneo kaugnay ng insidente na ikinasawi ng 2 nitong basketball players sa Aurora noong June 8.

Sinabi ni CIDG Director Robert Morico II, napag-alaman na ang Ateneo basketball team ay independently run na pinopondohan ng Smart Communications.

Samantala, pinatawag na rin ngayong Martes, Hunyo 16 ang mga dating basketball players ng Ateneo para maging resource person .

Sa Miyerkules naman nakatakdang dumalo ang 22 players ng Ateneo na kasama ng 2 nasawi.

Dagdag pa ni Morico, nakikipag-ugnayan na rin ito sa asawa at anak ni Tab Baldwin, nabatid na naglabas sila ng post na nagbigay na ito ng babala patungkol kay Baldwin.

Tinitingnan naman ngayon ng CIDG ang hindi bababa sa 7 Persons of Interest kaugnay sa nasabing insidente.