NAGKASYA SA SOCIAL MEDIA

HINDI natigil sa pagiging matabil ang dating pangulo ng bugok na kapulungan at pilit na isinisiksik ang sarili sa mga usaping walang saysay sa buhay ng karaniwang tao. Silip na ‘di matanggap ang pagkagapi sa pwestong natanganan na tinustusan ng P700M sa loob ng 28 araw. Sa takbo ng pangyayari walang balak na tumahimik si Kaldero at karay-karay ang alalay na ubod ng mangmang na ‘di makapagpahayag ng may laman na mapag-usapan o mapag-isipan. Sa totoo lang, puro satsat o ngawngaw ang gawa ni Kaldero na ‘di papasok sa diwa ng karaniwang mamamayan sa kawalan ng saysay sa pang-araw na pangangailangan.

Nagpalit na ng liderato ang Senado at nagsimulang magtrabaho ang Senado sa pagtungo ng mga kinatawan sa kabilang kabahayan. Nagsimula ang mga paunang mga gawain at nagpakilala ang mga tatayong mga taga-usig mula sa malawak na kapulungan at ang mga pribadong taga-usig na makakatuwang ng mga kinatawan. Walang malaking kaganapan sa ilang araw na pagtungo ng taga-usig sa Senado at natitiyak na magkakaroon ng pagdinig sa inihaing reklamo laban sa abalang pangulo. Sa kabilang banda, nagtungo sa senado ang mga pribadong mga abogado na magtatanggol sa abalang pangulo. Masasabing maayos ang ilang araw na pagkikita ng mga magkakatunggali at silip ang pagiging mga propesyunal ng mga grupong magtutunggali sa hapag ng senado na tatayo bilang korte sa pagdinig ng pagpapasipa sa abalang pangulo.

Sa nakaraang mga araw ‘di makita ang bakas na nagkaroon ng pagkabalam ang kapulungan ng senado at pasalamat sa pagpapalit ng liderato mula kay Kaldero tungo kay Win-win. Ang kagalingan, kinilala ng iba’t ibang bahagi ng pamahalaan ang bagong liderato na nagpabilis sa galawan na nakita sa ilang araw. Ang pagtungo ng mga magkabilang panig sa usapin ang hudyat na magtutuloy-tuloy ang usaping nasa harap. Bagaman na ‘di ganap na pagkayarian ang tatayong magpapadaloy sa pagdinig sa usapin ng pagpapasipa kay Inday Salakay ngunit nasisiyahan na nakahakbang ng ilan ang kapulungan tungo sa dapat na maganap sa susunod na buwan o araw. Sa pagpapalit sa liderato ng kapulungan at pagtungo o pagpunta ng mga lalahok sa magaganap na pagdinig, hindi makakaila na nasiyahan ang bayan ngunit umaasa na patuloy na magmamasid upang makamit ang ibig na katarungan pambayan. Ang mangyari ang katotohanan ang ibig, mapawalang sala o mahusgahan na nagkasala.

Sa pagkilos ng kapulungan ng senado, hindi tumigil ang matabil na si Kaldero at nagpatuloy sa iba’t – ibang pahayag hindi sa loob ng kapulungan sa halip sa harap ng kamera sa social media. Patuloy ang pagtuligsa sa pamahalaan maging sa mga kasama sa kapulungan ng mga kesyo-kesyo. At masasabing gapi si Kaldero at ang paglabas sa social media ang gawa upang ipakita na ‘di natitinag sa kaganapan sa loob ng kapulungan at ipapabatid sa bayan ang kaganapan. Ang pagpapahayag sa labas ng kapulungan ang gawa ni Kaldero sa kasalukuyan upang tuligsain ang pamahalaan. Gamit ang Karapatan sa malayang pagpapahayag at ang kagalingan bilang bahagi ng senado, ang ‘di makasuhan ng paninira o ano man ay sapat sa ngalan ng pagpapabatid sa bayan.

Sa totoo lang, sinasamantala ni Kaldero ang ilang araw na alang sesyon ang kapulungan at nagkasya sa social media sa mga pahayag na ‘di matatanong higit ng mga kasama na batid ang naganap sa kapulungan ng ito ang may hawak sa liderato. Sa mga pahayag sa social media, silip ni Mang Juan ang mangmang na bata ni Batman ang laging kasama na ‘di magagawang magtama o itama ang mga pahayag na gagawin ng Kalderong walang laman. Ganap na ang pahayag sa social media’y paglalabas o paghinga ng sama ng loob na ‘di tanggap ang naganap na mapalitan. Mapait sa panlasa ni Kaldero na isinuka at ‘di matanggap na ‘di kinilala ng ibang sangay ng pamahalaan ang lideratong nagdadabog gayung nakakarami ang naglagay bilang pangulo ng kapulungan.

Muli, ang paglabas sa social media ang silip na paraan upang pagtagpi-tagpian ang salang gawa at ipatanggap sa Pinoy na lehitimo ang naganap sa panahon na naging pangulo ng kapulungan. Ang ipahiwatig o maiparating sa Pinoy na tama ang naganap ang layon at mabahiran ang naganap na pagtungo ng mga magtatagisan sa usapin ni Inday Salakay. Mabalasik ang layon ni Kaldero na sa halip na dinggin ang usapin sa sala ng kapulungan, ang matalakay sa hapag ng mataas na hukuman ang tamang galawan. Ang ilayo ang sarili sa ‘di hawak na pagkakataon ang ibig maganap ng ‘di maging balakid sa ibig sa darating na halalan. Ang makatakbo ang abalang pangulo ng walang naganap na pananaboy kuno ng putik ang ibig.

Sa pagmamasid, ang pagtudla sa kaganapan sa kapulungan ng senado ang pakay sa mga paglabas sa social media. Sa totoo lang, hindi pa nagsisimula ang laban sa usapin ni Inday Salakay sa kapulungan ng senado ngunit matindi ang bakbakan na babakahin ‘di lang ng mga taga-usig maging ng taong bayan. Silip ang pagdadala social media sa mga pahayag ng kampo ng nasasakdal na araw – araw na matatanaw. At ang pahayag ay masasabing panlililo sakaling ‘di makuha ang ibig, ang mapawalang sala si Inday Salakay sa salang pandarambong. Sa totoo lang, may mga pahayag na nakakabahala na maging ang ilang rehiliyong grupo’y gagawa ng pagkilos laban sa kasalukuyang liderato sakaling negatibo ang kalalbasan sa pagdinig. Ang iba’t ibang pahayag ni Kaldero laban sa kasalukuyang liderato ng bansa ang galawang pansarili. Ang ‘di nakuhang suporta mula kay Jun Singhot at ang ‘di pagpansin ng unang ginang sa isang pagtitipong dinaluhan ang silip na dahilan sa pagliko.

Sa totoo lang, nagkasya na si Kaldero sa pahayag sa social media sa kawalan ng kredibilidad sa kilos na naganap sa pagkubkub sa liderato ng kapulungan ng senado. Maging ang ilang mga kasama sa una’y nasilip na nagamit sa ambisyon ng batang BGC. Pasalamat sa aga ng panahon, nagising ang ilang dating kakampi na pumakabila upang mabatid ang katotohanan sa mga inihain laban sa abalang pangulo. Walang pagkiling na hinihingi, sa halip ang lumabas ang katotohanan sa likod ng mga sinampang usapin ang ibig makamit, masakit o kagalak- galak kay Inday Salakay.

Maraming salamat po!!!!