Maja at Kathryn hindi magkasama sa set, iniintriga

By Beth Gelena

Nagsalita na si Maja Salvador tungkol sa kanyang bagong proyekto kasama sina Kathryn Bernardo at James Reid.

Ibinunyag ni Maja Salvador ang dahilan kung bakit hindi sila nagkasama ng Asia’s Superstar na si Kathryn Bernardo sa set ng kanilang bagong seryeng Someone, Someday kung saan nilalagyan ng intriga ng iba

Sa isang panayam, ibinahagi ng aktres-dancer kung bakit hiwalay sila sa set.

Aniya, pinili nila ni Kathryn na magkahiwalay na tent.

Sinabi niyang para din daw sa kanilang dalawa kung bakit magkahiwalay sila ng tent.

“ Oo, kasi nga, ‘pag magkasama kami sa tent, wala tayong matatapos na eksena. Dahil bilang mag-ate, sa totoong buhay, ano talaga, ang dami naming… hindi kami natatapos magkuwentuhan, ” pagbabahagi ni Maja.

Ibinahagi rin ng aktres na may mahihirap silang mga eksena, at hindi makakatulong kung magkakaroon sila ng kanilang “chikahan,” at bigla na lang silang lumipat sa kanilang mga karakter. “So, ang hirap talaga. Kaya pagdating sa location, separate na agad kami ni Kath. Para hindi na magkuwentuhan,” pakli niya.

Sinabi rin ni Maja na parang magkapatid na talaga sila ni Kathryn. Naisip din niya na medyo mahiyain si Kathryn. Dahil dito, sinabi ni Maja na sasabihin niya kay Kathryn na hindi siya ang kanyang Ate Maj sa mga sandaling iyon kapag ginagawa nila ang kanilang mga eksena.

“ Okay, nakita n’yo na naman po, nasa teaser naman ‘yung sampal, sapak, ayaw niya ‘yon. Ayaw gawin ni Kath. Takot siya. Sabi ko, ‘no kailangan mong gawin. Na gawin mo na, para tapos na,’ ” pagbabahagi pa ng aktres.

Nang tanungin tungkol sa sampal ni Kathryn, sinabi ni Maja na, “Ang sarap,” dahil nakita niyang talagang magaling ang nakababatang aktres pagdating sa paggawa ng kanilang mga matitinding eksena.