Gen. Nafarrete bagong AFP Chief

PORMAL nang nanungkulan bilang 61st Chief of Staff ng Armed Forces of the Philippine (AFP) si Lieutenant General Antonio Nafarrete kapalit ng nagretirong si Gen. Romeo Bwarner, Jr. nitong July 21, 2026.
Pinangunahan ni Pangulong Ferdinand “Bong Bong” Marcos, Jr., ang “Change of Command” o turn over ceremony sa pagitan nina Nafarrete at Brawner sa Camp Aquinaldo sa Quezon City.
Nagretiro si Brawner sa serbisyo matapos ang 3 years fixed term bilang AFP Chief batay sa RA No. 11939.
Itinalaga naman si Lt. Gen. Donald M. Gumiran, ang kumander ng Western Minda-nao Command, bilang bagong Commanding General ng Philippine Army (PA) kapalit ni Nafarrete.
Kabilang si Nafarrete sa PMA Bigkis-Lahi Class 1990. Itinalaga siyang Commanding General ng Philippine Army noong July 2025.
Bilang isang sundalo, sumailalim si Nafarrete sa military schooling at training tulad ng Basic Airborne Course, Scout Ranger Course, Military Intelligence Officer Course, Infantry Officer Basic at Advanced Courses, Financial Management Course, VIP Protection Course, Command and General Staff Course, at the Senior Executive Course on National Security. Nagtapos rin siya ng Master’s Degree in Management, Major in Public Administration sa Philippine Christian University.
Humawak siya ng iba’t- ibang mahalagang position sa hanay ng AFP, at tumanggap ng mga parangal tulad ng Gold Cross Medals for gallantry in combat, Bronze Cross Medals, Silver Wing Medals, Military Merit and Commendation Medals. Pinarangalan din siya ng Philippine Legion of Honor (Degree of Officer) at Distinguished Service Stars.
Habang kabilang si Gumiran sa PMA “Tanglaw Diwa Class 1992 na humawak rin ng iba’t ibang mahalagang posisyon sa AFP, at tumanggap ng mga parangal tulad ng Distinguished Service Star, Gawad kaunlaran, at Bronze Cross medal.(Mark Obleada)