Ivana Alawi 50 milyon na ang supporter sa Facebook, nangunguna sa Pilipinas

By Beth Gelena

Umabot na sa 50 milyong tagasunod sa Facebook ang internet sensation na si Ivana Alawi, isang bagong milestone sa kanyang karera sa social media.

Ibinahagi niya sa kanyang Instagram Story ang pagbati mula sa kanyang management, na nagpuri sa kanyang kabutihang-loob at pagiging inspirasyon sa milyun-milyong tao.

Ang caption, “Congratulations, Ivana Alawi. Nasa puso mo talaga ang pagtulong sa kapwa.”

“Ang 50 milyong tagasunod sa Facebook ay isang kahanga-hangang milestone na nagpapatibay sa inyong pamumuno bilang pinakasinusubaybayang Facebook page sa Pilipinas,” dagdag ng management.

Si Ivana, ay kilala sa paggamit ng kanyang plataporma upang tumulong sa mga biktima ng bagyo at lindol, pati na rin sa mga nagtitinda sa kalye at mga magsasaka.

Sa isang panayam, sinabi niya na ang pagtulong sa mga tao ang mahalaga, anuman ang sabihin ng mga kritiko.

“Ang iniisip ko ay ‘yung mga nagmamahal sa akin at kung paano ako makakatulong,” wika niya.