ANG GRABe

Wagas ang kagalingan ng makabagong teknolohiya na nagpapabilis sa galawan ng tao saan sa mundo. Mahirap sukatin ang ambag ng pagbabago sa larangan ng pakinabang higit sa panahon na dumadami ang tao na ‘di kabutihan ang una higit sa namumunong sarili ang una at ‘di ang nakakarami. Ang kagalingan sa teknolohiya ng mga mauunlad na bansa ang masasabing nagpalayo sa kabuhayan kontra sa umuunlad na mga bansa sa mundo. Sa totoo lang, nasa namumuno ang nagdadala sa ibig na kaunlaran. At silip ang halimbawa sa maraming bansa sa Asya na gumawa ng himala ng pag-unlad na tinitingala sa pag-unlad na kapaki-pakinabang sa mamamayan ng mundo. Sa pag-unlad na dinadanas ng mga bansang ‘di ibig banggitin, ang namumuno at uri ng pamumuno ang pinahahalagahan higit sa panahon na inaani ang kaunlaran ng bansa at ang ibig maganap sa bansa sa darating na panahon.

Sa pag-unlad sa teknolohiya masasabing ‘di napag-iiwanan ang bansa higit sa paggamit ng gadget na nagpapabilis sa transaksyon sa mga tanggapan, ma pribado o sa pamahalaan higit sa panahon ng pandemya at na ipinatupad ang “work from home”. Nabagayan o nahiyangan ng mga Pinoy ang paggamit ng mga teknolohiya na gamit sa komunikasyon at ‘di nagtagal sa mga sasakyan na ipinapasada ni Mang Juan na kinakargahan ng malilinis na gasoline. At kahit pansamantala, sa malinis na hanging malalanghap. Sumunod kapagdaka ang mga sasakyang dekuryente na ganap na nag-ambag sa malinis na hangin sa mga kalunsuran sa bansa. Ang teknolohiya na gamit ng nakakarami na kabutihan ang dulot sa kapaligiran ang ikinasisiya naganap sa bansa. Umaasa na magpapatuloy ang pagtuklas at paglikha ng maraming pakinabang na bagay sa kagalingan ng tao, lipunan at kapaligiran.

Sa patuloy na pagbabago sa lipunan higit sa bansa, kapansin-pansin na ‘di makasunod ang Pinoy sa larangan sa kagandahang asal. Hindi mawala sa Pinoy ang asal na mapang-isa sa kapwa higit ang mga lingkod bayan na kung tawagin ay kagalang galang. Ganap bang walang puwang na magbago ang Pinoy tungo sa maayos na pakikitungo? O’ dahil sa salang halimbawa na nakikita sa mga lingkod bayan na pangungurakot sa kabang bayan gawa na tinutularan ng karaniwang mamamayan. Sa bilis ng pagbitbit sa social media sa kaganapan sa lipunan higit sa galaw ng mga lingkod bayan, walang duda na ang salang galawan ng mga opisyal ng pamahalaan ang halimbawa. Ngunit, ‘di ganap na sa pamahalaan ang salang gawa dahil silip ang maraming pang-aabuso sa labas ng pamahalaan higit sa trato sa mga Obrero sa mga pagawaan.

Sa pagsakay sa grab taxi, napaghuntahan ng tsuper ng grab ang maayos na kaayusan sa pagsakay mula sa pinanggalingan tungo sa destinasyon ng pagbaba. Banayad ang huntahan na ‘di napansin sa mabilis na nakarating sa ibig dakuan. Sa huntahan ‘di nawala ang tingin sa dalas ng pagpindot sa cell phone ang tsuper upang mabatid ang tamang landas at pag-iwas sa mga mabagal na lansangan na dadaanan patungo sa paroroonan. Sa kwentuhan nabanggit ng tsuper ang hirap ng kalagayan na umaabot ang usapan ng mataas na kinakaltas ng grab sa tinatanggap na bayad ng mga pasahero. May katagalan sa pagmamaneho ang tsuper ngunit hirap na makabuo ng panghulog sa sasakyan minamaneho dahil sa sistema o laki ng bahagi na kinakaltas ng grab.

Sa huntahan, nabanggit ng tsuper ang paghirap sa pagkuha na makapasok ang sasakyang ibig makakuha ng sistema ng grab sa kasalukuyan kumpara sa dati na madaling makakabit sa app. ng grab. Sa totoo lang, may naunang grupo na gumagamit ng text {app} sistema sa Grab nasa mga bansa sa ‘di batid na dahilan. At nagbunsod na manguna ang grab sa uri pamamasada gamit ang text sa pagkuha ng serbisyo sa transpo. Sa pag- alis ng kalabang prangkisa tila namanipola ng grab ang negosyong banggit na dahilan sa pagmamalabis sa hatian sa binabayaran ng pasahero na ibig mawala o mabawasan ng maraming tsuper / operator. Sa pagpapalalim, higit na baba ang presyo sa pamasahe sa sistema ng grab kung maiaayos sa mababa ang nabanggit na hatian sa bayad ng pasahero sa paggamit ng grab app. Sa totoo lang, ‘di ang banggit ang ganap na hinanakit ng tsuper / opertator sa sistema ng grab, ang pagbawas ng mga tradisyunal na tsuper na nawalan ng hanap buhay.

Nagsaliksik upang mabatid ang ilang banggit ng tsuper kung pawang totoo at nabatid sa sistema ng grab taxi napansin ang kataasan ng ikinakaltas sa bayad ng pasahero. Nasilip na umaabot ang awas ng grab mula sa 6% tungo sa 25% sa bawat sumasakay. At sa loob ng isang buwan umaabot sa 15% hanggang 22% ang pumapasok sa kaban ng grab mula sa isang sasakyan na may dala ng grab app. Malinis ang halagang pumapasok sa Grab habang ang tsuper / operator, pasan ang lahat ng gastusin sa pamamasada. At hindi usapin na isa o dalawang sasakyan, libo libong sasakyan ang nakapaloob sa sistemang banggit na pinagkakikitaan. Sa totoo lang, kitang gasolina ang Grab na puro pataas at ‘di bumababa. Dagdag ng tsuper, higit na mahirap na makabuo ng panghulog sa sasakyang minamaneho sa bigat ng laban sa grab at mga kalaban sa pamamasada.

Sa totoo lang, isang pakiusap ang talang ito upang maiparating sa kinauukulan na bigyan pansin ang hinaing ng mga kababayan nating sumubok sa makabagong paraan ng pamamasada ngunit naduduhagi sa sistemang napasukan. Ang alamin ang katayuan ng mga maliliit na tsuper / operator na naduduhagi sa Sistema ng Grab ay malaking tulong sa tsuper / operator ng madama ang serbisyong gawa ay maykapalit na pag-aalaga galing sa pamahalaan. Ang maitama ang sistema ng hatian ng grab at mga tsuper / operator ang ipinaabot sa LTFRB o sino mang sangay ng pamahalaan na tuwirang may mandato sa usapin sa itaas. Sa totoo lang GRABe ang hatiang banggit na naduduhagi si Mang Juan..

Sa totoo pa rin, magandang bigyan pansin ang programa ng pamahalaang Lunsod ng Quezon na nagbigay ng libreng sakay sa mga nasasakupan. Malinaw at tuwiran ang serbisyo sa nasasakupan ang libreng sakay na mainam na tularan ng ibang LGU sa kaMaynilaan at maging ng pambansang pamahalaan. Sa halip na itapon ang salaping bayan sa multong proyekto, bakit ‘di bigyan pansin ang magandang programa ni Alkalde Ligaya Belmonte ng Lunsod Quezon, ang libreng sakay.

Maraming salamat po!!!!