600K doses ng Sinovac vaccines dadalhin sa Marikina cold storage facility

DADALHIN sa DOH storage facility sa Marikina ang mga bakuna na darating sa Linggo at hindi sa Research Institute for Tropical Medicine (RITM) sa Muntinlupa City.
Pahayag ito ni Health Secretary Francisco Duque III.
Ayon sa kalihim, pagbaba ng eroplano ay ilalagay sa 40 footer container vans na refrigerated ng 2 to 8 degree ang 600,000 doses na Sinovac vaccine at dadalhin sa Marikina na may escort.
Tiniyak naman ni Duque na walang magiging problema sa storage facility dahil ang kapasidad nito ay 500 milyong doses.
Mula sa storage facility ay dadalhin naman sa mga regional warehouse ang bakuna na siyang magdi-distribute sa city at provincial health offices bago ibaba ang supply implementing units tulad ng mga ospital. (Jocelyn Domenden)