Yulo nagbulsa ng gintong medalya sa Doha

NASUNGKIT ni two-time world champion Carlos Yulo ng Pilipinas ang gintong medalya sa men’s floor exercise event sa 9th Senior Artistic Gymnastics Asian Championship sa Aspire Academy Dome sa Doha,Quatar.

Umiskor si Yulo ng 14.933 points para pagharian ang event kontra Kim Han-sol ng South Korea (14.333) at Yang Jiaxing ng China (14.333).

Binulsa rin ni Yulo ang silver medal sa individual all-around event sa iskor na 83.767 points.

Shi Cong ng China ang nagbulsa ng gold medal sa iniskor na 83.833 points habang si Yang Jiaxing, na nag mula rin sa China nagkasya sa bronze medal sa iskor na 83.733 points.

Ikalawang medalya ni Yulo sa Asian meet matapos magwagi nang silver medal sa men’s all-around sa opening day.

Sa rings event, umiskor si Yulo ng 14.100 para magtapos sa fourth sa likuran ni gold medalist Lan Xingyu ng China (14.500) silver medalist Mahdi Afmad Kohani ng Iran (14.433( at bronze medalist Lin -Guan Yi ng Taiwan (14.200).

Ang performance ni Yulo ang nagbigay sa kanya ng slot sa FIG World Championship sa Liverpool,England na nakatakda sa October 29 to November 6.