TULFO TIKLOP SA MGA TITSER

NAG-SORRY si Department of Social Wel-fare and Development (DSWD) Secretary Erwin Tulfo sa nakakainsultong remark nito sa mga guro kaugnay pa rin sa pamamahagi ng educational cash assistance ng ahensiya.

Partikular na tinukoy ng grupo ang Alliance of Concerned Teachers (ACT) and Teachers’ Dignity Coalition (TDC).

Una rito, sinabi ni Tulfo na baka mayroon daw mga guro na papaboran ang mga estudyante sa pamamahagi ng educational assistance dahil kamag-anak nila ang mga ito.

“Baka maulit na naman na may pinaburan si teacher dahil pinsan niya ‘yung estudyante niya. Eh alam niyo naman po ‘yung mga teacher natin. Do’n lang nakatira sa paligid-ligid. Baka na naman ma-accuse na naman ho ang mga teacher. Kawawa naman,” ani noon ni Tulfo.

Para naman kay TDC National Chairperson Benjo Basas, napaka-unfair daw na i-generalize ni Tulfo ang mga guro sa pagkuwestiyon sa kanyang integridad.

Pero sinabi naman ni Tulfo na hindi raw nito gustong ma-offend ang mga guro.

Ang nais lamang daw niyang sabihin ay baka mayroong mga guro na aakusahang pinapaboran ang ilang indibidwal sa pamamahagi ng financial aid para sa mga estudyante. (Josephine Patricio)