Gerald aminado, ibang saya ang naibibigay ni Julia

Ni GERRY OCAMPO

INAMIN ni Gerald Anderson na hindi niya maipaliwanag ang kasiyahang naibibigay sa kanya ng girlfriend na si Julia Barretto.

“Ibang joy and inspiration, hindi ko din ma-explain, eh. Parang nabibigyan ako ng panibagong motivation, di ko alam kung kasama na rin  edad  ko  kasi  32  na  ako,” pahayag ni Gerald sa interview ng I Feel U  episode na lumabas sa ABS-CBN News.

Sabi pa ni Gerald, “Talagang alam kong  nandiyan siya  lagi  on my side. So, parang kung ano yung binibigay niya  sa akin, gusto ko i-time stamp  pa yon. Kung barko ako, siya nagbibigay  ng  power and fuel  para  tumuloy dito sa  buhay.”

Open book naman sa lahat na bago si Julia ay dumaan din sa ilang failed relationship si Gerald. Pero nandoon at nananatili pa rin daw ang respeto niya sa mga naging karelasyon.

“Maraming  ups and downs. Despite  maraming failures,  yong respeto  ko sa nagiging  relationship  ko  will  always  be  there,” aniya.

“Hindi ko pa rin makuhang  magsabi  ng  masama  or hindi maganda  against  that  person  na meron akong  special  relationship before. Respeto ko nandon pa din. At the end of the day, hindi dapat  mawawala  yun. Never  forget happy moments ninyo, kasi  ngumiti rin kayo  at  madami  rin kayong nagawang masasayang bagay,” patuloy pa ni Gerald.

Samantalang inihayag naman ni Julia na gusto na niyang magkaroon ng sariling pamilya at magkaanak.

***

Andrea to Derek —- “Keep calm and let karma finish it”

Ang post  ni  Andrea Torres sa Instagram  na, “Keep calm and  let  karma finish it” ay naging dahilan ng sagutan ng fans nina Andrea at Derek Ramsay, dahil pinalalabas ng maka-Derek na ito raw ang sagot ni Andrea sa latest  interview  ng actor  na siya ang nakipagkalas sa aktres at sa pamamagitan lang ng phone ito nangyari.

Ang payo ng fans ni Derek kay Andrea ay mag-move on na raw ito sa break-up nilang dalawa. Sinagot ito ng fans ni Andrea, sa dalawa ay si Derek  ang hindi pa nakapag-move-on. Patunay raw nito ay laging binabanggit  si Andrea sa interview ni Derek.

Dapat  daw gawin ni Derek ay tigilan nang idamay pa si Andrea sa mga interview nito, lalo`t  sinasabi naman nito na masaya siya ngayon sa piling ni Ellen Adarna. Pero ang nangyayari ay puro daldal daw si Derek.

In fairness naman kay Andrea ay ngayon lang ito nag-react.

Siguro nasabi ni Derek na isa sa hindi nila napagkakasunduan dalawa ay dahil sa pamilya ni Andrea. Marami naman ang nakakaalam kung  gaano ka-close si Andrea sa kanyang magulang.

Hanggang ngayon nga ay kasama pa rin nito ang nanay sa mga lakad, pati na sa taping at  shooting.

Wala pang reaction si Derek sa naging post ni Andrea. Ang latest post  nito sa IG ay sinasabihan niya si Ellen ng “I love you.” At love raw niya sina Ellen at anak nitong si Elias. Larawan  nila ni Ellen ang naka-post  sa IG Story niya.

Comment pa ng fans ni Andrea na matitigil lang siguro si Derek sa pagdamay sa pangalan ng actress kapag ikinasal na sila ni Ellen. Kaya payo nila na bilisan nina Derek at  Ellen ang pagpapakasal.

If ever na kasal na sina Ellen at Derek at patuloy pa ring binabanggit ng actor ang pangalan ni Andrea ay isa lang ang ibig sabihin, hindi pa rin ito nakakapag-move-on.

At kung dumating (knock on wood) na `magsawa`  na rin daw si Derek kay Ellen ay siguradong hihiwalay din ito sa ex ni John Lloyd Cruz.