NCR POSIBLE IBABA NA SA GCQ

PANATAG ang pamunuan ng Metropolitan Manila Development Authority (MMDA) na ibababa na sa General Community Quarantine (GCQ) ang National Capital Region (NCR) sa Mayo 1.

Binigyan-diin ni MMDA Chairman Benhur Abalos na kung magpatuloy ang pagbaba ng kaso ng COVID-19 sa NCR, posibleng ilagay na sa GCQ ang NCR.

Saad pa ni Abalos, na bumagal na ang growth rate ng mga bagong kaso ng COVID-19 sa Metro Manila na umaabot na lamang ngayon sa 5% simula March 31 hanggang April 17, na mula sa dating 164% noong February 28 hanggang March 7.

Giit pa ni Abalos, na karamihan din sa mga lokal na pamahalaan sa NCR ay nakapagtala na ng pagbaba ng COVID-19 cases sa kani-kanilang mga bisinidad.

Sa nagdaang 7 araw o isang linggo, patuloy ang pagbaba ng bilang ng COVID cases sa kamaynilaan at tiwala ito na luluwag o made-decongest na ang mga ospital o pagamutan dito. (Josephine Patricio)