Seniors na fully vaccinated puede na lumabas…SA WAKAS!!!
Advertisers
APRUBADO na ng Inter-Agency Task Force na lumabas sa kanilang mga tahanan ang mga fully-vaccinated senior citizens sa mga General Community Quarantine (GCQ) at Modified General Community Quarantine (MGCQ) areas.
Sinabi ni Presidential Spokesman Harry Roque, kinakailangan lamang ng mga senior citizen na mag-presenta ng duly issued na COVID-19 vaccination card.
Kinakailangan din ayon kay Roque na sumunod pa rin sa minimum public health standards ang mga senior citizen.
“The IATF likewise allowed the movement of fully vaccinated senior citizens in areas under General Community Quarantine and Modified General Community Quarantine, subject to presentation of a duly issued COVID-19 vaccination card, and strict observance of the minimum public health standards,” ani Roque.
Pahayag pa ni Roque, limitado pa rin ang movement ng mga senior citizen sa kanilang zone lamang at ipinagbabawal pa rin ang interzonal travel, maliban na lamang sa point-to-point travel na una nang pinayagan ng IATF. (Josephine Patricio/Vanz Fernandez)