Miembro ng LGBT, pinatay sa loob ng bahay

Nagawa pang maisugod sa pagamutan ngunit tuluyang binawian ng buhay ang isang miyembro ng LGBT nang pagbabarilin ng ‘di nakilalang salarin sa loob ng bahay malapit sa Town Plaza, ng Datu Piang, Maguindanao.

Kinilala ang nasawi na si Muslimah Hasim, na sinabing isa umanong tomboy, nasa tamang gulang, nakatira sa nabanggit na Bayan.

Batay sa mga kaanak ng biktima, 6:00 ng gabi nitong Sabado ng pagbabarilin si Hasim, ng ‘di nakilalang salarin habang nasa loob ng kanilang bahay.

Magugunitang walong mga LGBT members na naglalaro ng valleyball ang sugatan dahil sa nangyaring pagsabog sa lugar at pagkalipas ng ilang oras nasundan ng pamamaril sa biktima.

Patuloy na iniimbestigahan ng Datu Piang PNP ang magkakasunod na kaso ng pagpapasabog at pamamaril sa area.