NCR mananatili sa Alert Level 3 hanggang Jan. 31

MANANATILI sa Alert Level 3 ang Metro Manila at 50 pang lugar sa bansa mula Enero 16 hanggang 31.

Ito ay kasunod ng muling pagtaas ng kaso ng COVID-19 sa bansa.

Bukod sa Metro Manila, kabilang sa mga lugar na nasa Alert Level 3 ay ang: Baguio City, Ifugao, Mountain Province, Dagupan City, Ilocos Sur, Santiago City sa Region 2, Cagayan, Angeles City, Aurora, Bataan, Bulacan, Olongapo City, Pampanga, Zambales, Rizal, Batangas, Cavite, Laguna, Lucena City, Marinduque, Romblon, Camarines Norte, Catanduanes, Naga City, Sorsogon, Iloilo City, Iloilo, Negros Occidental, Guimaras, Lapu-Lapu City, Bohol, Cebu province, Negros Oriental, Ormoc City, Biliran, Eastern Samar, Leyte, Northern Samar, Southern Leyte, Western Samar, City of Isabela in Region 9, Zamboanga City, Zamboanga del Sur, Bukidnon, Iligan City, Misamis Occidental, Misamis Oriental, Davao del Sur, Davao del Norte, General Santos City, South Cotabato, Surigao del Sur, Agusan del Norte at Lanao del Sur.

Nauna narin inilagay ng pamahalaan sa Alert Level 3 nitong Enero 14 hanggang 31 ang: Benguet, Kalinga, Abra, La Union, Ilocos Norte, Pangasinan, Nueva Vizcaya, Isabela, Quirino, Nueva Ecija, Tarlac, Quezon province, Occidental Mindoro, Oriental Mindoro, Camarines Sur, Albay, Bacolod City, Aklan, Capiz, Antique, Cebu City, Mandaue City, Tacloban City, Cagayan de Oro City, Davao City, Butuan City, Agusan del Sur at Cotabato City.

Ayon kay acting Presidential Spokesperson at Cabinet Secretary Karlo Nograles, sa ilalim ng Alert Level 3 ang ilang establisyimento ay papayagang mag-operate ng 30 percent indoor venue capacity pero ito ay sa mga fully vaccinated lamang.
50 percent naman ang pwedeng outdoor venue capacity basta fully vaccinated ang mga empleyado.

Pinagbabawal naman sa Alert Level 3 ang in-person classes, contact sports, funfairs/perya, at casino.