DILG: Wala pang iniimbestigahang presidentiable na sangkot sa korapsyon

NILINAW ng Department of Interior and Local Government (DILG) na wala pa silang imbestigasyon hinggil sa mga kakandidato sa pagkapangulo sa halalan sa darating na Mayo.

Ayon kay DILG Undersecretary Jonathan Malaya ito ay kasunod na rin nang naging pahayag ni Pangulong Rodrigo DUterte na mayroong ilang presidential aspirants ang guilty umano sa korapsyon.

Magugunitang sinabi ni Duterte na bago sumapit ang halalan ay isisiwalat niya ang aniya’y ‘most corrupt’ presidential candidate bilang obligasyon niya raw na sabihin sa mga Pilipino ang mga alam niya upang sa gayon matulungan din ang mga ito na pumili sa kung sinuman ang papalit sa kanya sa puwesto. (Josephine Patricio)