Asa Miller sabik ng sumabak sa Winter Olympics

ATAT nang sumabak sa 2022 Beijing Winter Olympics ang nag-iisang pambato ng bansa na si Asa Miller.

Kinumpirma ni Philippine chef de mission to the Winter Games at National Golf Association of the Philippines Bones Floro na matagal na siyang nakahanda para sa torneo.

Unang sumabak si Miller ay noong apat na taon na ang nakalipas sa PyeongChang.

Nakatakdang sumali si Miller sa dalawang events at ito ay ang slalom at giant slalom.

Kumpiyansa si Floro na gagawin lahat ni Miller para makakuha ng medalya sa nasabing torneo.Magsisimula ang Beijing Olympics sa Pebrero 4.