PH squash athletes sasabak sa abroad

IPAPADALA ng Philippine Squash Academy (PSA) ang kanilang atleta sa Japan at Thailand bilang bahagi ng kanilang preparasyon para sa Asian Games sa susunod na taon.

Sinabi ni PSA president Robert Bachmann Lunes na ang apat na miyembro ng team na binubuo nina Robert Garcia,David Pelinbo,Reymark Begornia, at Jemyca Aribado ay aalis bukas Miyerkules, Mayo 25, patungong Yokohama,Japan upang sumabak sa Dynam Cup Open, na Professional Squash Association World Tour event.

Si Garcia ang top player ng bansa at kasalukuyang ranked 171st sa mundo. Nagwagi siya ng mixed team gold at men’s singles silver medals sa 2019 Southeast Asian Games.

Begornia ay nasungkit ang men’s singles gold medal habang si Garcia nagkasya sa silver medal sa 2021 Southeast Asia Championship sa Thailand.Sinako ang gold medal sa mixed team event kasama si Pelino,Aribado at Lizette Reyes.

Samantala, Christopher Buraga,Asia’s No.1 player sa boys under -17 category, at Jonathan Reyes ay lalahok sa Asian Junior Individual Championships na nakatakda sa June 15 to 19 sa Pattaya,Thailand.

Sasamahan sila ni head coach Jaime Ortua.

Ang 15-year-old Buraga ay kasama sa men’s team sa Asian Team Championship sa July 19 to 23 sa Cheongju,South Korea.

Iba pang tournament na nakalinya para sa squash team ay ang World University Games sa Egypt at Malaysia Open sa November.