Kylie Verzosa bagong pantasya ng bayan

Ni ARCHIE LIAO

ANG beauty queen at award-winning actress na si Kylie Verzosa ang napili na Tanduay calendar girl para sa taong 2023.
Ayon kay Kylie, si Boss Vic del Rosario daw ang nag-abiso sa kanya na siya ang napiling calendar girl ng nasabing liquor company.
Tulad daw ng ibang kababaihan, pangarap din niya ang maging calendar girl ng number one rum company.
Honored din daw siya na makasama sa liga ng empowered women at nakaraang calendar girls ng Tanduay.
“It feels surreal to become a Tanduay Calendar Girl, especially if you consider all the strong and beautiful women who came before me like Heart Evangelista, KC Concepcion, and Bea Alonzo. It feels great to be in their company,” ani Kylie.
Hirit pa niya, pinaghandaan daw niya ang shoot ng kanyang pictorial na kinunan pa ng pamosong si BJ Pascual.
“I really prepared for the shoot. I ran, did boxing and workouts. I did pilates, yoga, sauna. Nag-diet ako. Since I’m a pescatarian, I’m on a vegetable diet. I don’t eat chicken or pork,” pagbabahagi niya.
Very ecstatic din siya dahil sa last quarter ng taon ay sunud-sunod ang pagdating ng blessings sa kanya.
Isa na rito ang pagkapanalo niya ng Actress of the Year award sa Distinctive International Arab Festival Awards (DIAF) sa Dubai kamakailan.
“I really feel so blessed na tuluy-tuloy iyong blessings. I really feel so grateful sa mga nangyayari sa akin. That you reap the fruits of your labor,” aniya.
Hirit pa niya, hindi pa rin daw nagsi-sink in sa kanya hanggang ngayon na nanalo siya ng international acting award for “The Housemaid.”
“Sobra siyang nakakataba ng puso. Actually, hindi pa siya nagsi-sink in sa akin. Noong nalaman ko, tinanong ko kung sure sila. Sampu kasi iyong nakasama sa shortlist and I’m glad na ang The Housemaid iyong nanalo,” paliwanag ni Kylie.
Ayon naman kay Marc Ngo, International Business Development Manager at Senior Branch Manager ng Tanduay Distillers, Inc., nakita nila kay Kylie ang mga katangian ng perfect calendar girl para sa kanilang brand.
“Kylie is a multifaceted talent whose appeal comes from her beauty and brains as well as the strength of her advocacies. She is the perfect embodiment of the brand for 2023 as we seek to engage with varied customer profiles in different markets while continuing to serve our customers in the Philippines,” aniya.
Tulad ni Kylie, ang Tanduay ay nagwagi na rin ng awards at distinctions sa ibang’t ibang international award-giving bodies, na isa na rito ang World’s Number 1 Rum mula sa prestihiyosong Drinks International magazine for five consecutive years. Kinilala rin itong Brand of the Year under the rum category ng London-based World Branding Awards for seven consecutive years.