BSP nagbabala sa sangla-ATM scheme

MARIING nagbabala ang Bangko Sentral ng Pilipinas (BSP) sa automated teller machine (ATM) cardholders na iwasan ang pagpasok sa “sangla-ATM” schemes.

Sinabi ng BSP, nakakabahala ito lalo na’t ibinibigay nila ang kanilang ATM cards at personal identification number (PIN) bilang collateral sa utang.

Posible anila kasing mag-withdraw ng mas malaking halaga ang kanilang pinagsanlaan ng ATM at hindi nila ma-monitor.

Ayon pa sa BSP, mas ligtas pa rin mangutang sa mga bangko at iba pang BSP-supervised financial institutions.

Kabilang dito ang pawnshops, money service businesses, electronic money issuers, at non-stock savings and loan associations.