YASSI NAGSALITA NA SA BREAK-UP SA FIANCE NA SI JON; HAPPY NGAYON KAY GOV. LUIGI VILLAFUERTE TY PO

Ni BETH GELENA

WINASAK na ni Yassi Pressman ang kanyang pananahimik sa break up nila ng fiancé na si Jon Semira.
Ani Yassi: “I do respect the privacy that Jon has. I understand that our relationship was private din naman po. Unfortunately just didn’t really go that way, pero at the end of the day, I value the time that I’ve had with person.”
Noong August 16 nang ikumpirma ni Jon sa Instagram na hiwalay na sila ni Yassi, ilang buwan lamang matapos isapubliko ang espesyal nilang relasyon noong July.
Ayon kay Jon, mutual decision nila ni Yassi na tapusin na ang kanilang relasyon.
Sinabi rin niyang walang third party sa kanilang breakup.
Pinatotohanan naman ito ni Yassi.
Sey ni Yassi, pinili raw niyang manahimik dahil nirerespeto niya ang pinagsamahan nila ng ex.
Ayaw rin daw niyang pulutanin sila ng publiko.
Wika pa ni Yassi sa
FTWBA, “I’m just gonna make this really, really short because I do respect the privacy that Jon has.
“I understand that our relationship was private din naman po.
“Lahat naman po ng may malaking naiambag sa buhay ko, hindi ko makakalimutan.
“We have businesses that we built together.
“And despite not going that way, I really still wish him the best and he wishes me the best as well.”
Sinundan ito ng tanong ni Kuya Boy, “Kung mayroon kang specific na leksiyon na natutunan in the context of love, ano ito?”
“Wow! This is a very hard question.
“I think it’s just you have to be honest with how you feel from inside because that’s what love is din, e.
Aniya pa, “It’s not only love towards the person that your feeling for, but also love for yourself and you’re still a whole and a whole.
“But if you still have things to work, parang it’s kind of difficult.
“So, love yourself also while loving another person.”
Aniya pa, “Just don’t rush into things just really… just breathe and just be in the moment. Just appreciate everything.”
Dahil nali-link si Yassi kay Governor Luigi Villafuerte, tinanong siya ni Kuya Boy.
“Masaya ka kasama si Luigi?”
Ngiting sagot ni Yassi: “Masaya naman po.”
***
HEART MAJA, BEA AT KATHRYN NAGSAMA-SAMA SA ISANG FRAME
MAY selfie photo si Heart Evangelista na kasama sina Bea Alonzo, Maja Salvador at Kathryn Bernardo.
Naka-post sa Instagram ni Heart ang larawan nilang apat.
Needless to say, walang itulak-kabigin sa kanilang apat dahil lahat sila ay magaganda.
Nagkita-kita ang apat na aktres sa Aivee League.
Ang ganda ng caption ni Heart.
“Rare gems are beautiful, but pure hearts are priceles.”
Komento ng netizens sa kanilang picture: “My idols in one frame!”
“Grabe! These are A-list Actors.”
“The collab we never thought we needed.”
“Aww, the caption! Glad to see you four in a frame!
“Wow! All are Queens! Love you all @iamhearte @beaalonzo @maja @bernardokath.”
***
TONI FOWLER UMAMIN, 7 DIGITS KINIKITA KADA BUWAN
INAMIN ni Toni Fowler na 7 digits ang kinikita niya kada buwan bilang content creator.
Nakapanayam si Toni sa programang The Big Story sa One News Phn at nasabi nga niyang nasa 7 digits ang kanyang kita. Ito ay sa loob lang ng isang buwan bilang isang content creator hindi lang sa YouTube kundi sa iba’t ibang social media platforms.
***
MEME VICE MAGBIBIGAY NG AYUDA SA STAFF NG IT’S SHOWTIME KAPAG NATULOY ANG 12-DAY
SUSPENSION
NAGPATAWAG umano ng emergency meeting si Vice Ganda para sa mga staff ng It’s Showtime.
Ito yung mga staff na maaapektuhan sa pinataw na 12-day suspension ng MTRCB sa kanilang show. Ayon kay Kapitana Sisa ng Energy FM, napag-alaman niya sa kanyang source, sinabi raw ni Vice Ganda na mismong siya ang susuporta sa mga staff na maaapektuhan ng napipintong 12 day suspension na pinataw sa kanilang show.
Ito ay bilang paghahanda kung sakaling matuloy nga ang suspension at hindi mapagbigyan ang kanilang Motion for Reconsideration.