Nanalong bgy. kagawad patay sa ambush

NASAWI ang bagong halal na kagawad ng Barangay Dolores, Antipas, Cotabato nang pagbabarilin sa Martes ng umaga.

Kinilala ang biktima na si Edmar Perero, nasa hustong gulang, ng Bgy. Dolores, at bagong proklamang barangay kagawad.

Inaalam pa ng pulisya kung sino ang mga responsible sa pagkakapatay kay Perero na pinaniniwalaang may kinalaman sa katatapos lang na October 30, 2023 Barangay at Sangguniang Kabataan elections.

Patuloy pa ang isinasagawang imbestigasyon ng pulisya.