DSWD target itaas ang social pension ng mahihirap na senior citizens sa 2024

TARGET ng Department of Social Welfare and Development (DSWD) na taasan ang social pension ng mga indigent senior citizen sa susunod na taon.

Sinabi ni DSWD Assistant Secretary Romel Lopez, pinagpaplanuhan na ng ahensya na itaas sa P1,000 mula sa P500 ang matatanggap na benepisyo ng mga senior citizen para sa kanilang monthly stipends.

Binigyang-diin pa ni Asec. Lopez, na on time ang payout sa social pension ng mga senior citizen.

Sa ngayon, nasa 4.1 million na benepisyaryo ang tumatanggap ng P500 kada buwan.