Eala napanatili ang WTA ranking

NAPANATILI ni Alex Eala ang kanyang puwesto sa huling Women’s Tennis Association (WTA) rankings kahit maagang napatalsik sa 2024 Australian Open qualifiers sa Melbourne.

Ang 18-year-old tennis sensation ay nanateli sa No.187 sa singles rankings matapos ang kanyang 6-2, 7-5 loss kay Rebecca Peterson ng Sweden sa first round ng nasabing Grand Slam qualifiers.

Gayunpaman, sinimulan ni Eala ang taon na career-high ranking sa No.185.

Kumpiyansa si Eala na mapatatag ang kanyang ranking at title campaign kapag sumabak sa W50 Pune competisyon sa India simuls Enero 22 hanggang 28.

Sa huling acceptance list ng nasabing $50,000 International Tennis Federation (ITF) event, Eala ang ika-apat na highest seeded player sa likuran ni Latvia’s Darja Semenistaja (No.144),Anastacia Tikhonova (No.155) at Japan’s Moyuka Uchijima (172).

Umaasa si Eala na malagpasan ang matagumpay na season nakaraang taon,kung saan nasungkit nya ang 2 ITF singles titles- sa W25 Roehampton at W 25 Yecla hardcourt events.

Gumawa rin siya ng kasaysayan nagwagi ng bronze sa women’s singles at mixed doubles kasama si Francis Casey Alcantara sa 19th Asian Games sa Hangzhou, China.

Pangkalahatan, humakot siya ng apat na ITF singles titles simula umakyat sa pros noong 2021.