May-ari ng barko na sanhi ng Mindoro oil spill, kakasuhan na

Pinakakasuhan na ng Department of Justice (DOJ) ang may-ari ng M/T Princess Empress na nagdulot ng matinding oil spill sa karagatan ng Oriental Mindoro noong Pebrero 28, 2023.

Ang rekomendayon ng DOJ sa pagsasampa ng kaso ay bunsod ng kasong inihain ng National Bureau of Investigation-Environmental Crime Division (NBI-ECD) at ni Mayor Jennifer Cruz ng Palo, Oriental Mindoro.

Pangunahing respondents ang may-ari ng naturang barko ng RDC Reield Marines Services, Inc., mga opisyales nito at ilang empleyado.
Kasama ring sasampahan ang 19 na tauhan ng Philippine Coast Guard at dalawang tauhan ng Maritime

Industry Authority (MARINA). Isang indibidwal naman ang kakasuhan ng multiple counts ng Falsification by Private Individual, Multiple Use of Falsified Documents, at Multiple counts ng Falsification of Public or Official Documents sa ilalim ng Revised Penal Code.

Ito ay makaraan na madiskubre ng DOJ panel of prosecutors ang ilang iregularidad sa konstruksyon at certificate of public convenience ng M/T Princess Empress makaraan ang komprehensibong ebalwasyon sa mga isinumiteng affidavits at mga ebidenya.

Nadiskubre rin na nagsumite ang RDC Reield Marines Servinces, Inc. ng mga palsipikadong dokumento kabilang ang Construction Certificate at Affidavit of Ownership.

Samantala, ibinasura naman ang reklamo laban sa ibang respondents dahil sa kakulangan ng probable cause. (Jocelyn Domenden)