‘Konsehal’ huli sa gambling den sa Batangas

HIMAS-REHAS ngayon isang dating konsehal ng bayan at 15 iba pa nang maaktuhang nagsusugal ng mga operatiba ng Batangas Provincial Police Office-Provincial Intelligence Unit (BPPO-PIU) at Lobo Municipal Police Station, April 5, 2024 ng hapon sa isang gambling den sa Barangay Poblacion Lobo, Batangas.

Kinilala ang dating konsehal na si Ridian Dueñas, 52 anyos, at ang mga sugarol na sina Herman Armamento, 49; Simeon Ramirez, 63; Efren Gupo, 37; Lauro Manalili, 59; Neolito Ada, 60; Renato Macatangay, 52; Randy Obea, 43; Joel Tolentino, 52; Wenceslao Biacora, 58; Noli Del Mundo, 50; Mario Lat, 56; Jerico Montalbo, 27; Roy Macatangay, 50; Roel Delgado, 56; at Lauro Manalili, 59.

Base sa ulat ni Batangas Police Provincial Director, Colonel Samson B. Belmonte, sinalakay nila ang pasugalan ni Dueñas nang makatanggap ng maraming sumbong galing sa concerned citizens sa lugar.(Koi Laura)