Alden bet maidirek si Heart

Ni ROMMEL GONZALES

PAPAYAG ang Vivamax female star na si Angela Morena na mamasukan bilang lady guard sa tunay na buhay sakaling iyon na ang nag-iisang trabahong maaari niyang pagkakitaan.

“Ah yes po,” umpisang sagot ni Angela, basta raw huwag ng kanyang karakter sa Lady Guard na may mga anomalyang ginagawa.

“Kasi sobrang taas po ng respeto ko sa mga lady guards,” sinabi pa ni Angela.

Kaya rin daw nilang harapin ang anumang panganib na kaakibat ng trabaho ng isang guwardiya.

Lahad ni Angela, “I think everyday naman po nating kinakaharap yung danger, kaya kahit hindi ka lady guard, as a person or as an individual, and I’m strong and independent naman kailangan talaga maging malakas pagdating po sa buhay natin.”

Sa Lady Guard kasi na available for streaming na sa Vivamax ay gumaganap na mga babaeng guwardiya sina Angela (bilang si Estelle) at Irish Tan (bilang si Meryl).

Natanong namin si Angela, kung magiging bodyguard siya ng isang celebrity, sino ang nais niyang bantayan at protektahan?

Ani Angela, “Since nasa industry, nasa showbiz industry yung family ko, yung mga kapatid ko, sila po yung pipiliin ko, mga sisters ko po, si Micaella Raz pati si Stephanie Raz.”

Kapatid ni Angela sa tunay na buhay ang mga kapwa niya Vivamax stars na sina Micaella at Stephanie.

Nasa Lady Guard din si Anthony Davao, sa direksyon ni Bobby Bonifacio, Jr.

***

MALAPIT nang ipalabas ang unang pelikula ni Alden Richard bilang isang direktor, ang Out Of Order.

Sa interview kay Alden, sinabi niya na labis ang tuwa niya sa kanyang bagong achievement.

Sinabi rin niya na marami siyang gustong gawin bilang direktor at isa na rito ay maidirek si Heart Evangelista.

Lahad ni Alden, “We see her as this you know, fashion icon–international fashion icon. But we go back to Heart’s roots, actress siya before. But siyempre, tatanungin ko muna si Heart kung gusto niya pang bumalik sa pag-arte.”

Bukod sa pagiging direktor for the first time, certified Box Office King na rin si Alden dahil kinilala siya ng Box Office Entertainment Awards 2024 kamakailan lang para sa pelikula niya na Five Breakups and a Romance.

“During that time, when we were making that film, we were very skeptical with the box office because after COVID–after pandemic, the lockdowns and everything–sobrang nag-i-struggle yung Philippine cinema. But you know, sumugal kaming lahat, it was worth it and I share this award with all the people that were part of the Five Breakups and a Romance,” saad ni Alden.

Ongoing na ang taping ni Alden para sa upcoming GMA historical series na Pulang Araw na kasama niya sina Barbie Forteza, David Licauco, Sanya Lopez, at marami pang iba.

“Worth it yung pagod, actually. I would like to really say my gratitude to the writers, of course Miss Suzette Doctoloreto and Dominic Zapata for you know doing their out most hardwork for this because this is dub as the one of the biggest legacy seryes of GMA for 2024.”