Regional Finance Office ng NPA timbog sa Bohol

Naaresto ng mga elemento ng Criminal Investigation and Detection Group (CIDG) ang Regional Finance Officer ng New People Army (NPA) sa isinagawang operation sa Talibon, Bohol.

Kinilala ang naaresto sa alias Carmilo, miyembro ng Communist Party of the Philippine- New People Army- National Democratic Front bilang Regional Finance Officer ng Region 7.

Ayon kay BGen Nicolos Torre III Director CIDG, naaresto si alias Carmilo ng mga elemento ng CIDG Bohol Provincial Filed Unit sa Brgy. Poblacion, Talibon, Bohol.

Inaresto si Carmilo ng mga operatiba sa bisa ng warrant of arrest sa kasong paglabag sa Republic Act No. 10168 (The Terrorism Financing Prevention and Suppression Act of 2012) na ipinalabas ng Regional Trial Court, Branch 101, Talibon, Bohol, noong May 20, 2025.

Bukod sa pagiging Regional Finance Officer, nagsisilbing Provincial Coordinator si Carmilo ng Farmer Development Center (FARDEC) Bohol; Chairman ng KARAPATAN Bohol; at kaanib ng White Committee bilang Finance Officer. Itinuturing rin na Number 4 Regional Most Wanted Person ng Central Visayas region.

Magugunita na sinamphan ng CIDG Bohol Provincial Field Unit ng kasong reklamo ng paglabag sa Section 8, Republic Act No. 10168 (The Terrorism Financing Prevention and Suppression Act of 2012) ang suspek sa pagpopondo o pag finance sa operasyon ng CPP-NPA-NDF sa lalawigan ng Bohol.(Mark Obleada)