Ex-parak pinosas ang sarili sa MMDA tow truck

Nagposas sa sarili ang isang lalaki na nagpakilalang dating pulis sa tow truck cable upang pigilan ang Metropolitan Manila Development Authority (MMDA ) na hilahin ang kanyang sasakyan sa Crispulo Street, North Caloocan.

Giit ng ex-pulis na pribado ang lugar at wala sa hurisdiksyon ng MMDA.

Ilang residente rin ang humiling ng ebidensya na pag-aari na ng lungsod ang kalsada.

Sagot ng MMDA, pampubliko ang kalsada at ginawang alternatibong ruta dahil sa MRT-7 construction.

Matapos ang diskusyon, tinanggal ng lalaki ang posas nguni’t binigyan pa rin ito ng ticket.

Nagpatuloy ang towing operations ng MMDA sa Camarin Road.