P4m shabu nasamsam sa tulak sa Cavite

NAHULOG sa bitag na anti-illegal drugs buy bust operation ang isang suspek na High Value Individual at nakuhanan ng P4 milyon iligal na droga sa isinagawang operasyon mga pinagsanib na puwersa ng PDEA Regional Office 4A, PDEA Laguna Provincial Office at PNP Maritime Police Station sa Brgy. H2, Dasmarinas City, Cavite 1:55 ng hapon nitong Martes.

Kinilala ang suspek sa kanyang alyas na “Acmad”, nasa hustong gulang, isang tricycle driver at residente ng Barangay Datu Esmael sa nabanggit na lungsod.

Nakuha sa suspek ang humigit kumulang na 600 gramo ng shabu na may halagang P4,080,000.00.at ang ginamit na buy-bust money.

Mahaharap ang nakakulong ng suspek sa kasong paglabag sa ilalim ng Article II ng Republic Act 9165 o Comprehensive Dangerous Drugs Act of 2002.(Koi Laura)