Most Wanted sa Navotas nagtago ng isang dekada, timbog

Nasakote ang 30-anyos na lalaking wanted sa kasong Robbery with Force and Intimidation (4 counts).

Naaresto ang akusado nitong Huwebes ng hapon sa Brgy. NBBS Kaunlaran, Navotas City, ng mga operatiba ng Navotas City Police Station (NCPS), Warrant and Subpoena Section, at Sub-Station 4 personnel .

Sa ulat kay Northern Police District Director PBGen. Arnold E. Abad, ni PCol. Renante F Pinuela, Officer-in-Charge ng NCPS, sa bisa ng warrant of arrest na inisyu ni Hon. Zaldy B. Docena, Presiding Judge of RTC Branch 170, Malabon City, noong September 22, 2015, nalambat ang akusado sa apat na magkakahiwalay na kasong kriminal na may inirekomendang piyansang P100,000.00 bawat bilang ng kaso.

Nasa Custodial Facility Unit ng NCPS ang wanted na akusado habang hinihintay ang commitment order mula sa korte upang maiselda ito.(Beth Samson)