100 body cam donasyon sa Manila LGU para sa traffic enforcers

MALUGOD na tinanggap ni Manila Mayor Isko Moreno-Domagoso ang nasa 100 body cameras na ipinagkaloob ng Canton Chamber of Commerce Philippines sa lokal na pamahalaan ng Maynila.

Partikular ito na gagamitin ng mga tauhan ng Manila Traffic and Parking Bureau (MTPB) sa kanilang araw-araw na trabaho.

Ayon kay Domagoso, makakatulong ang mga body cameras upang maiwasan ang mga pagtatalo tungkol sa mga traffic violation.

Makikita o marerekord din ang mga kamote driver, mga pasaway na motorista at mga kotongerong enforcer.

Kasabay nito, ipina-alala ni Mayor Isko sa mga tauban ng MTPB na gawin maayos ang trabaho at tumulong sa pagsasaayos sa daloy ng trapiko kungsaan huwag puro panghuhuli lamang ang ginagawa.