Malakanyang ipinaubaya na sa Ombudsman ang panawagang imbestigahan ang CIF ni VP Sara

DUMISTANSYA ang Malakanyang nitong Martes sa mga panawagan sa Office of the Ombudsman na imbestigahan ang paggamit ni Bise Presidente Sara Duterte ng mga kumpidensyal na pondo, at sinabing ang usapin ay nasa independent anti-graft body.

“Nasa kamay ng Office of the Ombudsman,” sinabi ng Palace Press Officer na si Claire Castro sa mga mamamahayag.

Nagkomento si Castro sa petisyon na inihain ng TINDIG Pilipinas, isang koalisyon ng good governance advocacy groups, at Akbayan party-list, na nananawagan ng buong audit at imbestigasyon sa paggastos ng Bise Presidente sa confidential at intelligence funds sa kanyang panunungkulan sa Department of Education.

Sinabi ni Remulla na titingnan niya ang mga maaaksyunan na nilalaman ng sulat na isinumite sa kanya ng mga grupo.

Nauna nang na-flag ng Commission on Audit ang PHP125 milyon na kumpidensyal na pondo na ginugol ng tanggapan ni Duterte sa loob lamang ng 11 araw noong 2022, ilang sandali matapos maupo sa pwesto.

Dalawang impeachment complaint ang inihain laban sa Bise Presidente sa Kamara ng mga kinatawan, na parehong naka-angkla sa umano’y maling paggamit nito ng confidential at intelligence funds at mga paglabag umano sa Konstitusyon.(Vanz Fernandez)