DA: Rice import ban pinalawig ni PBBM hanggang Dis. 2025

INIHAYAG ni Agriculture Secretary Francisco Tiu Laurel Jr. na inaprubahan na ni Pangulong Ferdinand Marcos Jr. ang pagpapalawig ng rice importation ban hanggang Disyembre 31, 2025 upang mapatatag ang presyo ng palay at matulungan ang mga magsasaka.

Una nang sinuspinde ng Pangulo ang rice importation sa loob ng dalawang buwan, hanggang nitong Oktubre 31, upang mapigilan ang pagbaba ng presyo ng palay sa panahon ng ani.

Bagama’t bahagyang tumaas ang presyo sa simula, muli itong humina habang papalapit ang pagtatapos ng suspensyon.

Ayon sa kalihim, na dahil patuloy pa ang anihan sa ilang rehiyon, ay makatutulong ang pinalawig na import ban upang maprotektahan ang mga magsasaka.

Kasama rin sa mga hakbang ng D.A. ang programang “Sagip Saka” at ang pagtatakda ng floor price para sa palay.