Filipino GM Antonio tinalo ang Argentinian CM Daneri sa Spain chess tourney

TINALO ni Filipino Grandmaster Rogelio “Joey” Antonio Jr. ang Argentinian Candidate Master Martin Daneri upang manateli sa second place matapos ang eight rounds ng III Internacional de Ajedrez Cap Negret Chess Championship 50 and above category Sabado sa Hotel Cap Negret, Altea, Alicante, Spain.

Ang 13-time Philippine Open champion Antonio nagwagi gamit ang puting piyesa matapos ang 25 moves ng French defense.

“I will go out for the win in the last round,” Wika ng 63-year-old Antonio,na nagtapos first sa blitz kumpetisyon ng 33rd FIDE World Senior Blitz Chess Championship na ginanap sa Gallipoli, Italy nakaraang Linggo.

Antonio ay nakalikum ng 6.5 points sa limang panalo at tatlong draws sa walong laban.

Ang paglahok ni Antonio ay inayudahan ng Philippine Sports Commission (PSC), National Chess Federation of the Philippines (NCFP), Games and Amusement Board (GAB) Chairman Atty. Francisco Rivera, ang Philippine Amusement and Gaming Corporation (PAGCOR).

Grandmaster Keith Arkell ng England tinalo si Paulo Santanna ng Brazil para iposte ang kanyang tatlong sunod na panalo.