SIKARAN LALAHOK SA BATANG PINOY BACOLOD’26

OPTIMISTIKO si Raven Sikaran Tanay founder/ CEO Master Crisanto Cuevas na mapapabilang na ang larangan ng. sikaran sa mga sports discipline na pagtutunggalian sa grassroot sports program na Batang Pinoy National Championship sa susunod na edition sa Bacolod City.

” Kumpleto na ang ating mga dokumento na magpapatibay sa hangarin ng ating Sikaran na maging ganap na NSA sa sanib-puwersa ng World Sikaran at Raven Sikaran na makapaglaro at tunggalian ng Sikaran na isang traditional sport ng Pilipinas sa mga Palaro sa bansa na may basbas ng PSC at POC,”wika ni Cuevas.

Kahapon ay nakadaupang -palad ni Master Cuevas si PSzc Executive Director Atty.Guillermo Iroy kung saan ay natalakay ang estado ng Sikaran sa bansa at luminaw ang tsansa ng naturang discipline dahil pinamumunuan ito ng lehitimong sports leaders na kinikilala ng PSC at POC.

” Although malayo pa ang Bacolod Batang Pinoy, wala namang problema basta’t recognized ang asosasyon. Early next year ay sisimulan na ang mga usapin tungkol sa pagpapalakas pa at pagpapalawig ng mga lalahok na koponan sa bawat LGU’s ani Iroy.

Ang Raven Sikaran Tanay na perenyal na kampeon sa national open.