Arnold wagi sa Gawad Tanglaw

Ni ARCHIE LIAO

Naniniwala ang magaling at award-winning actor na si Arnold Reyes na ang pagiging aktor ay hindi namamana.

“It’s a talent that you develop through the years. It’s a product of hard work and years of experience,” aniya.

Hirit pa niya, malaking bagay din daw ang mga naging karanasan niya para magamit niya sa roles na ginagampanan.

“Iyong real-life experiences mo, puwede mong paghugutan sa roles na ipino-portray mo,” bulalas niya. “Sa kaso ko, nagagamit ko siyang peg. Kapag naman di ka pamilyar sa role, puede mong maging inspirasyon iyong mga kuwento ng mga kaibigan o kakilala mo,” pahabol niya.

Meanwhile, natutuwa naman si Arnold dahil muling kinilala ang kanyang galing sa pag-arte sa 2025 Gawad Tanglaw.

Wagi siya bilang best supporting actor para sa seryeng” My Guardian Angel. ”

“It’s such an honor for me to be recognized as an actor. It’s an added bonus for my craft,” ani Arnold. “Actually, espesyal din sa akin ang award na ito dahil it comes from a group of academicians and I am really thankful for that,” dugtong niya.

Bukod sa kanyang noteworthy performance sa “My Guardian Alien”, umani rin ng papuri si Arnold sa kanyang pagganap bilang kontrabida sa Kapuso seryeng “Akusada.”

“I’m quite flattered by the feedbacks. Nakatataba siya ng puso at nagiging inspirasyon ko para pagbutihan pa ang aking trabaho,” pagtatapos niya.

Si Arnold ay gagawaran ng tropeo sa 21st Gawad TANGLAW para sa Sining at Kultura sa awarding ceremony na idaraos sa Disyembre 17, 2025, 5:30 ng hapon sa Mandaluyong College of Science and Technology, Welfareville Compound, Addition Hills, Mandaluyong City.