Bantog na junior surfers sa mundo magtatagisan sa La Union’s challenge

NAGTIPON-TIPON ang mga pinakamahusay na junior surfers sa buong mundo sa La Union upang makipagtagisan para sa korona sa 2026 World Surf League (WSL) World Junior Championships.

“I’m very excited to be here,” Wika ni Bella Kenworthy, ang 17-year-old American at bagito sa Championship Tour. “This place is super special. The wave is super fun.”

Si Kenworthy ay sasali sa isang malakas na pangkat ng mga junior surfers — 24 na lalaki at 24 na babae — sa The Point sa San Juan kung saan sila ay magtatagisan hanggang darating na Linggo.

Ang dalawang pinakamahusay na lalaki at dalawang pinakamahusay na babae mula sa bawat isa sa pitong pandaigdigang rehiyon ng WSL ay sasamahan ng 10 wildcard bawat kasarian, na pawang mga standout mula sa Challenger Series o Qualifying Series (QS).

Ang mga mananalo sa paligsahan, na tampok ang mga surfer na hindi hihigit sa 20 taong gulang, ay makakakuha ng puwesto sa 2026 Challenger Series para sa pagkakataong makapasa sa 2027 CT.

Samantala, layunin ni Laura Raupp na palawigin ang World Junior legacy ng Brazil habang ang 19 na taong gulang na surfer, na kasalukuyang nasa kalagitnaan ng kanyang matagumpay na ikatlong buong season sa Challenger Series, ay masayang makabalik sa La Union.

Ang Host Philippines ay mayroong si Troy Espejon, isa sa apat na Filipino wildcards kasama ang kanyang nakatatandang kapatid na si Toby Espejon, Mara Lopez, at Cathleya Casals, na ipinagmamalaki ang makipagtaisan para sa watawat at bansa.

Puno ng mahuhusay na atleta ang larangan—ang 2023 world champion na si Sierra Kerr (Australia) at ang runner-up na si Winter Vincent na parehong mula sa Australia, ang mga tampok sa 2025 Challenger Series na sina Annette Gonzalez Etxabarri mula sa Spain (Basque Country) at Arena Rodriguez mula sa Peru, at ang mga papasikat na bituin na sina Dane Henry mula sa Australia, Lucas Cassity mula sa Mexico, at Dylan Wilcoxen mula sa Indonesia.