Mayor, VM at konsehal suspendido sa isyu ng permit

Sinampahan ng isang taon na preventive suspension ang alkalde, bise alkalde, at 10 konsehal ng bayan ng Minglanilla, Cebu kasu-nod ng desisyon ng Ombudsman sa reklamong inihain noong 2024 laban sa kanila.
Ibinahagi ni Mayor Rajiv Enad ang suspensyon sa pa-mamagitan ng kanyang social media account.
Ipinaliwanag ni Enad na ang dahilan ng suspensyon ay dahil sa hindi pag-isyu ng permit kaugnay ng Sitio Napo, Barangay Guindarohan, kungsaan naobserbahan ang mga bitak sa lupa at tinasa bilang posibleng panganib ng landslide.
“Natitiyak kong ang pangyayaring ito ay nagdudulot ng malaking gulat sa marami, lalo na sa inyo, mga minamahal kong mamamayan na aking pinaglingkuran nang may lubos na katapatan. Ngunit ganito ang buhay ng serbisyo publiko, at ng politika: Minsan ang paggawa ng mahirap at paggawa ng tama ay magkapareho,” sabi ni Enad sa kanyang post.
Isinampa noong Oktubre 2024 ng mga pribadong indibidwal na umano’y may kinalaman sa mga korporasyon na nag-aakusa na nilabag ng Enad ang Anti-Graft and Corrupt Practices Act sa pa-mamagitan ng pagpapaliban sa mga aplikasyon ng permit.
Gayunpaman, sinabi ni Enad na pinoprotektahan lamang niya ang bayan mula sa mga epekto ng quarrying.
Gagamitin nina Enad at ng kanyang kampo ang lahat ng legal na remedyo na maga-gamit.
Kasunod ng utos, ang asawa ni Enad na si first councilor Lheslen Enad ang siyang gaganap na acting mayor.
Magsisilbi ring Bise Alkalde si Konsehal Mulot Laput.
Ang lahat ng iba pang puwesto sa konseho pupunan ng DILG.
Wala pang inilalabas na pahayag ang DILG sa Central Visayas tungkol sa bagay na ito.