P10 fuel subsidy para sa PUVs, nationwide na – DOE

INANUNSYO nitong Biyernes ng Department of Energy (DOE) na ginawa nang nationwide ang gasoline stations kung saan maaaring mag-avail ng sampung pisong fuel subsidy para sa public utility vehicles.

Pahayag ng DOE, layon nito na mas mapalawak pa ang maaabot ng programa at mas maraming tsuper ang makikinabang.

Sa ilalim ng programa, maaaring makapag-avail ang mga kwalipikadong tsuper ng P10 diskwento kada litro ng diesel ng hanggang 150 liters kada linggo.

Ito ay katumbas ng P1,500 na matitipid ng mga tsuper kada linggo depende sa aktwal na konsumo.