Back-to-back na aksyon sa primetime handog ng The Master Cutter at Taskforce Firewall

By Rommel Gonzales

Panalong-panalo sa pamilyang Pilipino ang back-to-back action, dahil sa mga tumintinding eksena sa “The Master Cutter” at “Taskforce Firewall.” Madadagdagan pa nga ng channels kung saan mapapanood ang mga serye dahil bukod sa GMA Prime at GTV, eere na rin ang mga ito sa Heart of Asia at I Heart Movies.

Simula ngayong gabi sa The Master Cutter, nasa schoolgirl era na si Ibyang (Sienna Stevens). Habang patuloy namang aalamin ni Audrey (Max Collins) ang katotohanan sa kanyang pagbubuntis.

Samantala, sa pagkamatay ni Emma (Lexi Gonzales), magkakaroon ng lamat ang samahan ng Tropang Firewall. Hahanapin nina Isa (Kylie Padilla) at Galo (Miguel Tanfelix) ang traydor sa grupo.

Panoorin gabi-gabi ang The Master Cutter at Taskforce Firewall sa GMA, GTV, Heart of Asia, at I Heart Movies.

***

Sean Lucas, kabado tuwing kasama si Heart Evangelista

Aminado ang Sparkle star na si Sean Lucas na kinakabahan pa rin siya bilang co-host ni Global Icon Heart Evangelista sa game show ng Kapuso Network na “The People Have Spoken.”

Ayon kay Sean, “Every time, every episode, talagang may kaba. She’s been super easy to work with, but still, she is Miss Heart. There’s pressure, but it’s good.”

Pero sa gitna ng kaba, mas lamang din umano ang excitement ni Sean na mag-host ng game show, “Masaya siya kasi people love to play games. I love to play games, and the fact that I get to do it as my job is super exciting. Plus, super exciting na ang kasama ko pa is Miss Heart and all the Celebripeeps. It is such a big honor to be in a room with them.”

Tutukan ang tandem nina Heart at Sean sa high-rating game show na “The People Have Spoken,” 6:15 p.m. tuwing Sabado sa GMA Network.