BALIGOD, DEFENSOR EX-BODYGUARDS NI CO, KINASUHANG MULI NI SEN. ERWIN TULFO

Muling nagharap ng kaso si Sen. Erwin Tulfo laban sa mga “self-proclaimed Zaldy Co ex-bodyguards” Jeron Valderama, Virgilio Garcia at Bernard Gumban, kanilang abogadong si Atty. Levito Baligod, dating Congressman Mike Defensor. Quezon City Councilor Ranulfo Ludovic at Atty. Virgilio Garcia.

Kasama ang kanyang abogadong si Jovito Barte personal naisinampa ni Tulfo ang kaso sa Mandaluyong City Prosecutor’s Office umaga ng July 8. Nitong nakaraang buwan lamang, nagsampa din ng kaso ang Senador sa Pasay Regional Trial Court laban kina Baligod at tatlong diumano ay bagmen, kasama na si Gumban, dahil sa pagdawit sa kanya sa maleta, human trafficking at sexual trafficking, na pawang mariin niyang pinabulaanan.

Ang mga kasong isinampa ni Tulfo ay grave oral defamation as defined and penalized under Article 3581 of the Revised Penal Code in relation to Section 62 of the Cyber Crime Prevention Act of 2012 or Republic Act No. 10175, “for publicly uttering defamatory statements imputing serious criminal conduct against me, thereby subjecting me to unnecessary public contempt, ridicule and disrepute which accusation were streamlined via social media.”

Sa 18-pahinang reklamo, sinabi ni Tulfo na ang mga alegasyon sa di awtorisadong Blue Ribbon Sub- Committee hearing noong June 16, 2026 sa Mandaluyong ay pinalabas na nag-deliver umano ng maleta sa Senador na naglalaman ng cash na kickbacks sa flood control projects. Naging press conference umano ang nangyari dahil walang dumalong Senador.

Ani Tulfo, “two of ex-Rep. Zaldy Co’s alleged bagmen identified as Jeron Valderama and Bernard Gumban alleged that he received luggage containing “loads of cash” linked to the flood control scandal.”

“The public press conference of June 16, 2026 held in Mandaluyong City further amplified the damage previously caused by respondents’ constant media engagements in various fora…I cannot simply remain passive and act unaffected by these falsehoods,” aniya.

Sa kanyang pagdalo sa “MACHRA Balitaan” ng Manila City Hall Reporters’ Association noong Martes, hinamon ni Tulfo ang mga nagdadawit sa kanya na magprisinta ng anumang dokumento dahil imposible umano siyang maalukan o tumanggap ng nasabing pera dahil kahit kailan ay wala naman siyang naging proyekto na flood control, farm-to-market roads o mga kagaya nito.

“I will conduct a press conference to announce that I will resign because I lied… because I have a flood control project. Wala ako ni singko mula Congressman ako hanggang ngayon. Wala akong natanggap na pondo sa flood control, farm-to-market road o kung anumang kabulastugan na ‘yan. Wala po ako natanggap,” dagdag pa niya.

“Kung me nakita kayong papel—Cabral, DPWH o district engineer, regional director o masi contractor, dahlhin nyo at magre-resign ako. That’s my challenge to stop ang mga kalokohang sinasabi. Pano ‘ko tatanggap eh wala akong flood control? Paano ko tatanggap ng kickbak? Ba’t ako bibigyan ni Zaldy Co ng male-maletang pera?” pagbibigay-diin ni Tulfo. (JERRY S. TAN)