Warrant of arrest vs Marcoleta naibalik na sa Sandigan – PNP chief

Kinumpirma ni Philippine National Police (PNP) Chief, General Jose Melencio Nartatez Jr. L, nitong Miyerkules na naibalik na sa Sandiganbayan ang warrant of arrest laban kay Senador Rodante Marcoleta Lunes ng hapon.
Gayunman, hindi na personal na dinala sa korte ang senador dahil sa pabago-bagong blood pressure.
“Sabi ng doktor, medyo baba-taas. Mahirap naman na pagdala do’n, madisgrasya. Of course, we need to preserve, protect the life,” ani Nartatez sa panayam sa mga reporter.
Ayon sa PNP chief, sasailalim si Marcoleta sa mga laboratory exam habang patuloy na mino-monitor ng mga doktor sa PNP General Hospital.
Samantala, namataan ang misis ni Marcoleta na duma-ting sa naturang ospital 11:00 ng umaga upang bisitahin ang senador.
Nauna nang sinabi ng PNP na dumaing si Marcoleta ng pananakit ng dibdib at mataas na blood pressure matapos maaresto noong Lunes kaugnay ng kasong plunder.