‘KABAONG GAMIT NG PILOTO SA PAGPUSLIT NG DROGA’

HINALA ng mga awtoridad dati nang nagpuslit ng ilegal na droga ang pilotong si Rioklyn “Boyet” Toledo sa Pilipinas sa pamamagitan ng pagtatago ng mga ito sa loob ng mga kabaong na dinadala sa pamamagitan ng kanyang air ambulance service, ayon kay Interior Secretary Jonvic Remulla nitong Lunes.
Si Toledo ay kabilang sa “person of interests” sa imbestigasyon sa isang kargamento ng shabu na naharang sa Laos na patungong Pilipinas.
“Si Si Toledo ay nagpapatakbo ng serbisyo ng ambulansya sa himpapawid at nakapagsakay na siya sa mga eroplano,” sabi ni Remulla.
Sinabi ng pinuno ng DILG na sinusuri ng mga imbestigador ang mga nakaraang flight ni Toledo, kabilang ang mga biyahe patungong Thailand at Malaysia, kungsaan niya kinuha ang mga “bangkay”.
“Ang suspek namin, ang dating operations niya, ay naglalagay siya ng drugs doon sa loob ng mga kabaong para dalhin dito sa Pilipinas,” sabi ni Remulla.
“Hindi nahuhuli ‘yan kasi hindi nadadaan sa box ng patay. Ang cadaver, may passport ‘yan. So, tingnan lang ‘yung passport, tingnan lang ‘yung manifest, tapos lulusot na ‘yung box ng patay. So, we suspect that was their MO (modus operandi) before,” sabi ni Remulla.
Sinabi ni Remulla na si Toledo ang bumili ng pribadong eroplano mula sa Malaysia na sangkot sa kargamento na naharang sa Laos.
Hindi pa lumapag ang eroplano sa Pilipinas noon, kaya naman naniwala ang mga imbestigador na ang opera-syon ay may kasamang ekspe-rimental na ruta.
Binanggit din ng pinuno ng DILG ang pagkakasangkot ni Toledo sa isang drug bust sa Taguig noong 2012, ngunit kinilala na hindi siya kailanman nahatulan kaugnay ng kasong iyon.
Itinanggi ni Toledo ang mga paratang laban sa kanya at kusang-loob na humarap sa mga awtoridad para sa imbes-tigasyon.
Iginiit din ni Remulla na maaaring si dating BARMM parliament member Sultan Edrieza Nasser Rimbang ang tumustos sa operasyon.
Aniya, hindi kasama ang pulitiko sa narco-list ng nakaraang (Duterte) administrasyon, ngunit iginiit niyang kumpiyansa ang mga imbestigador sa mga ebidensyang kanilang nakalap.
Hindi pa nasasampahan ng kaso ang pulitiko kaugnay ng kargamento, at ang mga paratang ay nananatiling iniim-bestigahan.
Sinabi ni Remulla na nagbahagi ng impormasyon ang mga ahensya ng paniktik mula sa mga bansa sa Timog-Sila-ngang Asya tungkol sa dalawang pinaghihinalaang kargamento ng droga patungong Pilipinas mga isang linggo bago ang operasyon sa Laos.
Pinag-ugnay ng mga awtoridad ang kanilang mga pagsisikap, kungsaan kalaunan ay pinahinto ng pulisya ng Laos ang isang pasaherong kinilalang si Fahad Mulok Dibarosan bago pa ito makasakay sa eroplano.
Inaasahan na ngayon na bubuuin ng Kagawaran ng Hustisya ang kaso at tutukuyin ang mga naaangkop na kaso laban sa mga sangkot.
Kasunod ng kargamento mula sa Laos, sinabi ni Remulla na isinusulong ng Pilipinas na ituring ang mga sindikato ng droga bilang mga teroristang network upang mapalakas ang koo-perasyon sa mga bansa sa Timog-Silangang Asya.
Hinimok ni Remulla ang Kongreso na uriin ang mga sindikato ng droga bilang mga teroristang network matapos ang P3.5-B shabu na nasamsam sa Laos