3 boxers tiyak ang bronze sa SEAG

TATLONG Pilipino boxers na nakatiyak ang kanilang sarili ng bronze medal matapos umabante sa semifinals sa kanilang kanya-kanyang divisions Linggo ng gabi, sa 32nd Southeast Asian Games sa Chroy Changvar Convention Center.

Ginulpi nina Rogen Ladon,Ian Clark Bautista at Riza Pasuit ang kanilang mga karibal sa quarterfinals para umabante sa gold medal.

Pinatalsik ni Ladon ang Indonesian na si Ilahi via unanimous decision para itakda ang semis seat sa men’s 51kg, habang si Bautista ginulpi ang Vietnamese Vian Duong Nguyen sa referee-stopped contest sa men’s 57kg, at Pasuit nagwagi via split decision kontra Indonesian Huswaton Hasanah,3-2 sa women’s 54kg.

Hindi naman pinalad si James Palicte, na nabigo sa hometown bet Ven Ratha, 4-1 sa men’s 63.5 kg quarters.

Dahil sa panalo ni Ladon, ay naitakda ang kanyang laban kontra Malaysian Muhammad Abdul Qaiyum Arrifin, na nagwagi via RSC kontra Cambodian Nov Sokty,Habang si Bautista kinasa ang laban kontra Naing Latt ng Myanmar.

Pasuit, sunod na makakaharap si Nur Sabrina Binte Faizal ng Singapore, na nagkaroon ng opening round bye.