3 suspek sa broadcaster slay kinasuhan na

SINAMPAHAN ng Philippine National Police (PNP) ng kasong ‘murder’ at ‘theft’ ang tatlo katao na sangkot sa pagpatay ng radio broadcaster, Juan Jumalon, sa Misamis Occidental noong Nov. 5, 2023.

Ayon kay Colonel Jean Fajardo, PNP Public Information Office, isinampa ang kaso sa Provincial Prosecutor’s Office ng Misamis Occidental laban sa tatlong suspek na tumanggi tukuyin ang pagkakakilanlan ng dalawa sa mga ito nitong Miyerkoles.

“On November 8, 2023 a case of Murder and Theft was referred to Provincial Prosecutor’s Office of Misamis Occidental for evaluation by the Assisting Prosecutor under the case build-up mechanism of the Department of Justice pursuant to DOJ Department Circular No. 20 against one named person with two (2) other john does.” pahayag ni Fajardo.

Aniya, ang pagkakakilanlan ng dalawa sa mga suspek ay hindi muna inilabas habang patuloy ang isinasagawang imbestigasyon at case build up laban sa mga ito.

Binaril at napatay si Jumalon ng isang gunman habang naka-live broadcast sa kanyang radio program sa 94.7 Calamba Gold FM sa kanyang bahay sa Calamba, Misamis Occidental.

Nakapasok ang gunman sa studio nang magpanggap na mayroon importante sasabihin sa programa nguni’t paglapit sa biktima ay kaagad pinaputukan ng dalawang beses ang brodkaster na tinamaan sa ulo.